ភ្នំពេញ៖ ទំព័រហ្វេសបុករបស់អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការទ័ពជើងគោក លោកឧត្តមសេនីយ៍ឯក ហ៊ុន ម៉ាណែត ទទួលបានអ្នកតាមដាន១លាននាក់នៅថ្ងៃនេះ។
លោក ហ៊ុន ម៉ាណែត បានសរសេរនៅលើហ្វេសបុកផេករបស់លោកថា៖ « ថ្ងៃនេះចំនួនអ្នកតាមដាន ផេកហ្វេសប៊ុកផ្លូវការរបស់ខ្ញុំបានកើនដល់ ១លាននាក់ ខ្ញុំសូមអរគុណមិត្តទាំងអស់ក្នុងបណ្តាញហ្វេសប៊ុក ដែលបានផ្តល់ការចាប់អារម្មណ៍និងការគាំទ្រដល់សកម្មភាពនានារបស់ខ្ញុំ តាមរយៈការតាមដានផេកហ្វេសប៊ុកផ្លូវការរបស់ខ្ញុំ»។
លោកបន្តថ្លែងអំណរគុណដល់ប្រជាពលរដ្ឋតាមបណ្តាញសង្គមហ្វេសប៊ុក និងជូនពរមិត្តទាំងអស់ អោយបានប្រកបទៅដោយសេចក្តីសុខ សុភមង្គល សុខភាពល្អ និងទទួលបាននូវជោគជ័យលើគ្រប់កិច្ចការទាំងអស់៕
